管理外判長者屋不安寧

資料來源：東方日報（2010年6月14日）

香港人口老化，房屋署早年興建長者屋以解決長者住屋問題。隨着管理服務外判兼監管不力，長者竟居不安寧。有長者屋管理公司職員錯誤理解政策，拒絕更換屋內設施，要求兩名依靠綜援生活的長者自掏腰包，令長者「嚇到晚晚瞓唔着」。立法會議員及關注團體狠批房署對外判服務「睇都唔睇吓」，如同將問題丟進壓力煲，擔心最終或不勝壓力而爆炸。

現年八十三歲的梁伯入住慈樂邨長者屋已有十一年，一直與鄰房吳伯共用廚房及洗手間，煤氣熱水爐及食水則由房署免費提供。今年三月，梁伯發現熱水爐漏水，經檢查後證實損毀嚴重，不能再使用。梁伯即時通知長者屋舍監，但未獲正視，「舍監話個爐只係入伙嗰陣一次過畀我哋用，壞咗就唔會再理！煤氣熱水爐明明係房署畀，點解壞咗冇得換？」
維修費三千難負擔

梁伯曾向煤氣公司查詢，獲悉換爐需費逾三千元，梁與鄰居俱靠綜援維生，無法應付額外開支，談及換爐一事更眼泛淚光，「我都咁老，諗住入嚟住就安享晚年，點知為咗個爐搞到晚晚瞓唔着！」煤氣爐報銷後，梁伯只能晚晚煲水洗澡，「每日都要喺廚房煲好水，再用拐杖撐起自己，逐步逐步行去廁所，真係好辛苦！」梁伯擔心遲早會因「煲水沖涼」而受傷。

對於梁伯被要求與鄰居自費更換熱水爐一事，慈樂邨物業服務辦事處發言人回應本報查詢時，堅稱會為長者盡快更換，與梁伯所述明顯有別。經記者再三追問後，發言人終於承認，由於職員誤會設施性質，以為長者屋住戶與其他租戶同樣需要自行負擔更換費用，才拒絕梁伯的要求，已就事件致歉。

房署發言人指該屋邨內有租住及長者屋兩種單位，職員或因混淆兩種單位設施致產生誤會，管理公司已訓斥有關員工。

「就係因為房署規劃失誤，先令到長者屋單位過剩，要畀非長者入住，依家仲要啲管理搞到亂晒龍，房署點都講唔過去！」立法會房屋事務委員會主席王國興認為，管理公司有必要反省現有做法，需主動接觸長者屋住戶需要。

「明恰阿伯唔識反抗」

公屋聯會主席王坤則直斥房署監管不力，「房署同管理公司簽約後就好少理佢哋點做，今次如果唔係伯伯投訴，房署根本就唔知個職員錯得咁離譜！」王亦認為管理公司質素差劣，連基本政策亦未能掌握，「好明顯係恰阿伯唔識反抗」，促就事件檢討。